Nenne' tu m'allicuord jurnate chiene 'e sole,

 Serate 'e primmavera rosse p''o tramonto

 E 'o grano, d''o culore 'e ll'oro.

Tu m'allicuod' 'a voglia 'e sta' cuntento,

 'Na smania semp''e fa' ca mo nun teco

E nu surriso ca m'arapeva 'o core

E ca me parlava, 'o ssaie, sulo d'ammore.

Mo me sento 'na serata 'e vierno,

Cu 'o ffriddo ca me gela 'sti penziere;

Me sento comme a ll'evera seccata

Ca sulo a 'o fuculare e' addestenata.

Me resta sulo quacche vota 'o suonno

A farme 'ind''a nuttata cumpagnia

E ll'allicuordo 'e te ca nun me lassa maie,

Ll'allicuordo sulo 'e te, cumpagna mia.

Edoardo Romano