'O RUMMORE D''A NOTTE

 

Sulo staje penzanno dint’o lietto

quanno na voce te fa zumpà ‘o pietto,

tutt’e cose se fanno scure

e ‘o cielo fore addeventa nire,

niente se sceta pecché ‘a luna nun se move

e pé cuncierto d’’a paura pure chiove,

‘o silenzio dint’a stanza se fa sempe cchiù forte

te siente nu criaturo dint’e braccia d’’a morte;

comme na jatta ca se ferma, te guarda e doppo fuje

chesti penziere ‘ncapa nun te lieve maje,

t’astrigne ‘e mmane ‘o pietto e ‘a Madonna staje preganno

ma ‘o rummore dint’o core va sempe cchiù alluccanno,

te miette paura e pienze ‘a mamma toje

ca te scarfava ‘a sera miez’e braccia soje;

comme na cuverta ‘ncopp’a na criatura

stu scuro ‘ncuollo te ‘nfonne ‘e paura

nun ce penzà  e fatte curaggio

nun sì cchiù guaglione ma n’omme saggio,

e tienelo semp’a mente comme na serenata

ca sta vita passa, e addà passà ‘a nuttata!

 

 

 

INDIETRO