Fonze ‘o zelluso, ‘o figlio ‘e Mezacoscia,

s’è miso ‘a poco tempo a fa ‘o pittore;

ma ‘e ffèmmene ca pitta ‘e fa a picoscia

cu ‘a veste sempe ‘o solito culore.

 

Siccome po ‘o soggetto è sempe ‘o stesso,

ne pitta ‘na duzzina a’  settimana

e, stranamente, ‘e vvenne appriesso-appriesso

comme si fosse aunnato ‘a  ‘na  ‘Mbriana.

 

Si pittass’isso fèmmene normale

nun valarrìa  ‘nu soldo papalino,

ma Fonze pitta quatre originale

 

e venne ‘a solita picoscia a tutte quante:

a chi capisce ll’Arte e a ‘Onna Austino

ca va vennènne ‘e figurelle ‘e Sante.